Бағдарламаның шарттары
– тұрғын үйді Астана қаласында өзіңіз таңдайсыз (бастапқы немесе қайталама нарық)
– қарыздың ең жоғарғы сомасы – 18 млн. теңге;
– бастапқы жарна– 10%;
– жылдық 5% – бен;
– несиелеу мерзімі 25 жылға дейін;
Жалпы талаптар:
– өтінім берген сәтте жасы 35-ке толмауы тиіс;
– соңғы 1 жылда Астана қаласында тұрақты үздіксіз атаулы тіркеудің болуы;
– бағдарламаға қатысушының және оның отбасы мүшелерінің Қазақстан Республикасының аумағы бойынша соңғы 5 (бес) жыл ішінде сатып алу құқығымен жалға берілетін тұрғын үйдің, сатып алу құқығынсыз жалға берілетін тұрғын үйдің немесе меншік құқығымен тұрғын үйдің (ерлі-зайыптылардың ортақ бірлескен меншігі, өтінішке енгізілетін отбасының басқа мүшелерімен бірлесіп ортақ үлестік меншік) болмауы;
– өтініш беру сәтіндегі қатысушының таңдалған саладағы ресми жұмыс өтілі соңғы бір жылдан кем емес;
– жинақталған сомасы 1.8 млн. теңгеден кем емес “Отбасы банкте” депозиттік шотының болуы;
– әрбір мүшесіне соңғы 6 ай үшін еңбек немесе кәсіпкерлік қызметтен (зейнетақы аударымдарын, жеке табыс салығын және өзге де міндетті аударымдарды есепке алмағанда) ең төменгі күнкөріс деңгейінің 6 еселенген шамасына дейінгі кірісінің болуы.
Астана қаласының келесі ұйымдары мен мекемелердің қызмет салалары бойынша қызметкерлері ғана қатыса алады:
- денсаулық сақтау (техникалық және әкімшілік персоналды қоспағанда, медицина қызметкерлері);
- білім беру (техникалық және әкімшілік персоналды қоспағанда, педагог қызметкерлер);
- мәдениет (техникалық және әкімшілік персоналды қоспағанда, бейінді қызметкерлер);
- спорт (спортшылар мен жаттықтырушы-оқытушылар);
- әлеуметтік сала (техникалық және әкімшілік персоналды қоспағанда бейінді қызметкерлер);
- ЖОО мен ҒЗИ (техникалық және әкімшілік персоналды қоспағанда оқытушылар мен ғылыми қызметкерлер);
- журналистер (журналистер, тілшілер, продюсерлер және т.б.);
- Астана қаласының коммуналдық кәсіпорындарының/ мекемелерінің бейінді қызметкерлері;
- қызмет саласына қарамастан, Астана қаласында “Жетім балалар” санаты бойынша тұрғын үй кезегінде тұрған 35 жасқа дейінгі азаматтар.
- Астана қаласының полиция департаменті (бейінді қызметкерлер техникалық және әкімшілік персоналды қоспағанда);
- Астана қаласының төтенше жағдайлар департаменті (техникалық және әкімшілік персоналды қоспағанда, бейінді қызметкерлер);
Өтінімді толтыру кезінде қатысушы таңдаған сала бойынша еңбек қызметін жүзеге асыратын саламен сәйкес келуі тиіс
Іріктеу қалай өтеді?
Қатысушыларды іріктеу ең жоғары баллдан ең төмен баллға есептеуді пайдалана отырып жүргізілетін болады:
- таңдалған саладағы жұмыс өтілінің толық 1 жылы - 5 балл, таңдалған саладағы жұмыс өтілінің толық емес жылы - 3 балл.
- Астана қаласында "Жетім балалар, ата-анасының қамқорлығынсыз қалған балалар" санаты бойынша коммуналдық тұрғын үй қорынан тұрғын үйге мұқтаждар есебінде тұрғандар ретінде өтінім берген азаматтарға қызмет саласына қарамастан, толық 1 жыл жұмыс өтілі үшін – 5 балл, толық емес жұмыс өтілі үшін – 3 балл есептеледі;
- өтініш берушіде немесе жұбайында I, II, III топтағы немесе мүгедек балаларда мүгедектіктің болуы - 10 балл. Егер отбасының бірнеше мүшесінде мүгедектік болса, мүгедектігі бар отбасының әрбір мүшесіне ұпайлар беріледі.
Астана қаласында "Жетім балалар, ата-анасының қамқорлығынсыз қалған балалар" санаты бойынша коммуналдық тұрғын үй қорынан тұрғын үйге мұқтаждардың есебінде тұрған азаматтарға Банкке жолдамалардың жалпы санының 20% - нан аспайтын мөлшерде тіркелген квота бөлінеді. Бағыттардың қалған көлемі басқа салаларға қатысушылар арасында бөлінеді.
Қатысушылар бірдей ұпай жинаған жағдайда, жасы үлкен қатысушының өту үлесі жоғары болады.
Қажетті құжаттар тізімі:
1.Электронды цифрлі кілт;
2.Азаматтық хал актілерін мемлекеттік тіркеутуралы куәлік (бала туу, неке қию, некені бұзу және т. б.);
3.Өтініш берушіге және ҚР бойынша барлықотбасы мүшелеріне жылжымайтын мүліктің болмауы (болуы) туралы анықтама;
4.Лауазымы мен лауазымдық жалақысыкөрсетілген ұйымның фирмалық бланкісінде берілген жұмыс орнынан анықтама .
5.ҚР Еңбек кодексінің 35-бабына сәйкес еңбекөтілін растайтын құжаттар (қызметтік тізім, еңбек кітабы немесе т. б.);
6.Еңбек қызметінің барлық кезеңі үшін зейнетақыаударымдары туралы үзінді-көшірме ерлі-зайыптылардың екеуіне де (жұбайы (зайыбы);
7.Болған жағдайда: өтініш берушіге немесе оныңотбасы мүшелеріне (жұбайы, балалары)мүгедектігі туралы анықтама;
8.Депозитте жинақталған соманы көрсете отырып,”Отбасы банк” АҚ-да депозиттік шоттың болуы туралы анықтама (ерлі-зайыптылардың екеуіне де, жинақталған сома 1.8 млн. теңгеден кем болмауы тиіс);
9.Жұмыс істейтін ерлі-зайыптылардың екеуінде деболған жағдайда соңғы 6 айдағы табысы туралы жұмыс орнынан анықтама;
10.Жоғары немесе орта арнаулы білімі туралы құжат.
Бағдарламаны іске асырудың басталуы туралы ақпарат Мекеменің ресми интернет-ресурстарында орналастырылатын болады.
Туындаған сұрақтарға жауаптарды қайдан алуға болады?
109 (мобильді) – iKomek
300 (мобильді) – “Отбасы банк”АҚ